ಹಬ್ಬ ಹರಿದಿನಗಳು

ಹಬ್ಬ ಹರಿದಿನಗಳು

 

ಸುಮಾರು ಜನರಿಗೆ ಹಬ್ಬ ಹರಿದಿನಗಳ ಹಿನ್ನಲೆ ಆಗಲೀ ಅಥವ ಹಬ್ಬಗಳನ್ನ ಯಾಕೆ ಆಚರಿಸಬೇಕು ಎಂಬುವ ವಿಚಾರ ಗೊತ್ತಿರಲಿಕ್ಕಿಲ್ಲ. ಅದು ಸರಿ, ನಾನು ಶಾಲಾ ದಿನಗಳಲ್ಲಿ ಹಬ್ಬವೆಂದರೆ ಸಕಲ ತಿನಿಸುಗಳನ್ನ ಸವಿಯುವುದು ಒಂದು ಪರ್ಪಸ್ ಆಗಿರುತ್ತಿತ್ತು. ಅಂದಿನ ದಿನ ಬೆಳಗಿನ ಜಾವದಿಂದ ಹಿಡಿದು ಮಧ್ಯಾಹ್ನದವರೆಗೂ ನನ್ನ ಅಪ್ಪ ಅಮ್ಮ ಸಾಕಷ್ಟು ತಿಂಡಿಗಳನ್ನ ಮಾಡಿರುತ್ತಿದ್ದರು. ನಾನು ನನ್ನ ತಮ್ಮ ಊಟದ ಸಮಯಕ್ಕೆ ಕಾಯೂತ್ತಿದ್ದೆವು. ಪೂಜಾದಿಗಳು ಮುಗಿದು ನೈವೇದ್ಯಕ್ಕೆ ರೆಡಿಯಾದ ಕೂಡಲೆ ಅಲ್ಲಿಟ್ಟಿದ್ದ ತಿಂಡಿಗಳನ್ನ ತಿನ್ನುವುದೇ ಒಂದು ಮೋಜಾಗಿತ್ತು.

 

ಏನೇ ಆಗಲೀ ಕೆಲವು ಹಿನ್ನಲೆಗಳನ್ನ ಈಗಲಾದರು ತಿಳಿಯುವುದು ಒಳ್ಳೆಯದು ಅನಿಸುತ್ತೆ. ಇತ್ತೀಚೆಗೆ ಒಂದು ವೆಬ್ ಸೈಟ್ ನೋಡಿದೆ. ಅಲ್ಲಿ ಪೂರ್ತಿಯಲ್ಲದಿದ್ದರೂ ಇಂತಹ ಕೆಲವು ವಿಷಯಗಳನ್ನ ಪಬ್ಲಿಷ್ ಮಾಡಿದ್ದಾರೆ. ಹೋಗಿ ನೋಡಿ

{technorati tag: Indian Festivals}

ಚುರುಮುರಿ

ಸ್ವಲ್ಪ ಸಿಹಿ ಸ್ವಲ್ಪ ಸ್ಪೈಸಿ

 

ಹೌದು – ಸಿಹಿ ಮತ್ತೆ ಸ್ಪೈಸಿ ಸೇರಿಸಿ ಚುರುಮುರಿ ಆಗತ್ತೆ. ನಾನು ಇತ್ತೀಚೆಗೆ ಚುರುಮುರಿ ಎಂಬುವ ಒಂದು ಬ್ಲಾಗ್ ಸೈಟ್ ಗಮನಿಸಿದೆ. ಅದರಲ್ಲಿ ಸಾಕಷ್ಟು ಬೆಂಗಳೂರು ಮೈಸೂರು ವಿಚಾರಗಳನ್ನ ಕೊಟ್ಟಿದ್ದಾರೆ. ಇನ್ನೊಂದು ಹೆಮ್ಮೆಯ ವಿಷಯ ಅಂದರೆ ನಮ್ಮ ಕರ್ನಾಟಕದವರದ್ದು ಇನ್ನೊಂದು ಬ್ಲಾಗ್ ಸೈಟ್ ಗೊತ್ತಾಯಿತು. ಚೆಕ್ ಮಾಡಿ ನೋಡಿ.

 

ಉಗಾದಿ ಸಮಾರಂಭ (Ugadi celebration – east side)

ಸಹ್ಯಾದ್ರಿ ಕನ್ನಡ ಸಂಘ

 

ಸಿಯಾಟಲ್ ಕನ್ನಡ ಕೂಟದ ಹೆಸರು ಸಹ್ಯಾದ್ರಿ ಕನ್ನಡ ಸಂಘ. ಕಳೆದ ಎರಡು ವರ್ಷಗಳು ಉಗಾದಿ ಸಮಾರಂಭಕ್ಕೆ ಅಲ್ಲಿ ಹೋಗಿದ್ದೆವು. ಈ ವರ್ಷವೂ ಸಹ ಉಗಾದಿ ಸಮಾರಂಭವನ್ನ ಮೇ ೬ ರಂದು ಏರ್ಪಡಿಸಿದ್ದಾರೆ. ವಿಳಾಸ ಇತ್ಯಾದಿ ವಿಚಾರಗಳಿಗೆ ಇಲ್ಲಿ ನೋಡಿ. – ಸಹ್ಯಾದ್ರಿಕನ್ನಡಸಂಘ.ಕಾಮ್

 

ಇನ್ನೊಂದು ಕನ್ನಡ ಹಾಡುಗಳ ರೆಪಾಸಿಟರಿ (Kannada songs)

ಇನ್ನೊಂದು ಕನ್ನಡ ಹಾಡುಗಳ ರೆಪಾಸಿಟರಿ

ಅಂತರ್ಜಾಲದಲ್ಲಿ ಇನ್ನೊಂದು ಕನ್ನಡ ಹಾಡುಗಳ ವೆಬ್ ಸೈಟ್ ಇದೆ. ಕೆಲವು ತಿಂಗಳುಗಳ ಹಿಂದೆ ಅದನ್ನ ನೋಡಿದ್ದೆ ಹಾಗೂ ಹಾಡುಗಳನ್ನ ಪ್ಲೆ ಮಾಡಿದ್ದೆ. ಅಲ್ಲೂ ಸಹ ಸಾಕಷ್ಟು ಕಾಟೆಗೋರಿಗಳಲ್ಲಿ ಹಾಡು ಹಸೆಗಳು ಇವೆ. ನನಗೆ ಇಷ್ಟವಾದ ಕೆಲವು ಬಗೆಗಳು: ಜಾನಪದ ಹಾಡುಗಳು, ಮಕ್ಕಳ ಹಾಡುಗಳು (ಇತ್ತೀಚೆಗೆ ನಮ್ಮ ೧೪ ತಿಂಗಳ ಮಗುವಿಗಾಗಿ ಇದನ್ನ ಆಲಿಸುತ್ತೇವೆ), ಸಿನಿಮಾ ಹಾಡುಗಳು, ಇತ್ಯಾದಿ ಇತ್ಯಾದಿ. ಬೆಂಗಳೂರಿನಿಂದ ದೂರವಿದ್ದು ಇಂತಹ ಒಂದು ಅವಕಾಶವಿರುವುದು ನಿಜವಾಗಿಯೂ ಒಂದು ಉಪಕಾರಿ. ಆಲಿಸಿ ನೋಡಿ… ಉದ್ಭವ.ಕಾಮ್

 

ಕನ್ನಡ ಆಡಿಯೊ (kannada audio)

ಕನ್ನಡ ಆಡಿಯೊ

ರೇಡಿಯೋ ಶ್ಟ್ರೀಮ್‌ಲೈನ್ – ಕನ್ನಡ ಹಾಡುಗಳನ್ನ ಇನ್ನೊಂದು ಅಂತರ್ಜಾಲದ ಸೈಟ್‌ನಿಂದ ಕೇಳಬಹುದು. ನನಗೆ ಅಷ್ಟಾಗಿ ಗೊತ್ತಿಲ್ಲವಾದರೂ ಅದರಲ್ಲಿ ವಿದ ವಿದವಾದ ಹಾಡುಗಳನ್ನ ನಿಗದಿತ ಸಮಯದಲ್ಲಿ ರಿಲೆ (ಪ್ರಸಾರ) ಮಾಡಿರುತ್ತೆ. ಹಾಡುಗಳನ್ನ ನಿಮ್ಮದೆ ಆದ ವಿಂಡೋಸ್ ಮೀಡಿಯ ಪ್ಲೇಯರ್ ಅಠವ ರಿಯಲ್ ಆಡಿಯೊ ಮೂಲಕ ಕೇಳಬಹುದು. ಪ್ರಯತ್ನಿಸಿ ನೋಡಿ.

ನಿಘಂಟು (ಡಿಕ್ಷ್‌ನರಿ) – Dictionary

ನಿಘಂಟು (ಡಿಕ್ಷ್‌ನರಿ)

ಸುಮಾರು ದಿನಗಳ ಹಿಂದೆ ಇಂಗ್ಲೀಷ್-ಕನ್ನಡ ಅರ್ಥಕೋಶವನ್ನ ಹುಡುಕುತ್ತಿದ್ದೆ. ನಾನು ಬೆಂಗಳೂರಿನಲ್ಲಿದ್ದಾಗ ಆಗಾಗ್ಗೆ ಕನ್ನಡ ನಿಘಂಟು ಪುಸ್ತಕವನ್ನ ಉಪಯೋಗಿಸುತ್ತಿದ್ದೆ. ಅದನ್ನ ನಾನು ಈಗಿರುವ ಜಾಗಕ್ಕೆ ತಂದಿಲ್ಲವಾದ್ದರಿಂದ ಅಂತರ್ಜಾಲದಲ್ಲಿ ಹುಡುಕಾಡಿದೆ. ಹೇಗಾದರೂ, ಕೊನೆಗೆ ಒಂದು ಸಿಕ್ಕಿತು. ಬಹುಶಃ ನಿಮಗೂ ಉಪಯೋಗವಾಗಬಹುದು. ಟ್ರೈ ಮಾಡಿ ನೋಡಿ. ಬಹುಶ್ಃ ತಮಗೇನಾದರೂ ಉತ್ತಮವಾದ ಶಬ್ಧಕೋಶ ಸಿಕ್ಕಿದಲ್ಲಿ ನನಗೆ ತಿಳಿಸುವುದನ್ನ ಮರೆಯದಿರಿ

ಕನ್ನಡ ವೀಕಿಪೀಡಿಯ

 

ನಾನು ಸಾಮಾನ್ಯವಾಗಿ ಇಂಗ್ಲೀಷ್ ವೀಕಿಪೀಡಿಯ ನೋಡುವ ವಾಡಿಕೆ. ಇತ್ತೀಚೆಗೆ ವೀಕಿಪೀಡಿಯ ಬೇರೆ ಭಾಷೆಗಳಲ್ಲಿ ಕೂಡ ಇರುವುದು ಗಮನಿಸಿದ್ದೆ. ಏನೇ ಆದ್ರೂ ನನಗಿನ್ನೂ ಅದರಲ್ಲಿ ಕನ್ನಡ ಪದಗಳನ್ನ ಹುಡುಕುವ ಹಾದಿ ಗೊತ್ತಾಗಿಲ್ಲ – ನಾನಿನ್ನೂ ಹೆಚ್ಚಿಗೆ ಎಕ್ಸ್‌ಪ್ಲೋರ್ ಮಾಡಿಲ್ಲ. ಬಹುಶಃ ತಮಗೇನಾದರೂ ತಿಳಿದಿದ್ದರೆ ಅದರ ಬಗ್ಗೆ ಇಲ್ಲಿ ಕಾಮೆಂಟ್ ಮಾಡುವುದು.